Advertisement 
|
१८ जेठ, काठमाडौं ।
नेपाली फुटवल टिमका चर्चित स्टाइकर विमल घर्तीकी बहिनी मनीषा घर्तीको मृत्युबारे पोष्टमोर्टम रिपोर्ट प्रहरीलाई दिइएको छ ।
अघिल्लो साता नवलपरासी बर्दघाट ८ भुताहस्थित विमलको घरमा बुधबार राति मृत अवस्थामा फेला परेकी मनीषाको टिचिङ अस्पतालले एक साता पछि मंगलबार पोष्टमोर्टम रिपोर्ट प्रहरीलाई बुझाएको हो ।
रिपोर्टमा मनीषाको मृत्यु झुण्डिएका कारण भएको भनिएको छ । यद्यपी यो मृत्युलाई आत्महत्या या हत्या भनेर अझै खुट्टाइएको छैन । प्रहरीले मनीषाको मृत्यु संकास्पद भन्दै नवलपरासीबाट काठमाडौं ल्याएर पोष्टमोर्टमका लागि टिचिङ अस्पताल पुर्याएको थियो ।
मनीषाको मृत्यु झुण्डिएर भएको भनिएपनि कसैले झुण्ड्याएको वा आफै झुण्डिएको भन्ने खुल्न बाँकी छ ।
मनिषाको शंकास्पद मृत्युको घटनाको सत्यतथ्य पत्ता लगाउन रुद्रनारायण (आशिष) चौधरीको सोमबार गर्ने भनिएको पोलिग्राफ परिक्षण टाउको दुखाईका कारणले स्थगित गरिएको थियो ।
पश्चिमाञ्चल क्षेत्रिय प्रहरी कार्यालय पोखराको पोलिग्राफ परिक्षण विज्ञटोलीले घटनाको सत्य अनुसन्धान गर्नका लागि पोलिग्राफको सम्पुर्ण तयारी पुरा गरेर आज परिक्षण गर्ने भने पनि टाउको दुखाईले स्थागित गरिएको जनाएको थियो ।
पोलिग्राफ परिक्षण सम्बन्धित व्यक्तिबाट सत्य तथ्य कुरा निकाल्ने एक प्राविधि प्रक्रिया हो । पोलिग्राफ परिक्षणमा ईन्भेस्टिगेटिभ, जटिल तथा उच्चस्तरका घटनाहरुको अनुसन्धान गर्ने प्रक्रिया हो । पोलिग्राफ परिक्षणले मान्छेको शारिरीक गतिविधि केहि समयलाई बन्द भएपछि भने दिमाग निष्पक्ष र फुर्तिलो हुन्छ । एउटा शान्त कोठामा गरि पोलिग्राफ परिक्षण समय अवधीभरि मान्छेले आफनो दिमागबाट केहि कुरा आफुले चाहेपनि लुकाउन र झुठो बोल्न सक्दैन ।
nepaliheadlines.
0 comments
प्रतिक्रिया दिनुहोस्...