२०७३ जेष्ठ २९ शनिबार
गोरखाः किनबेचका क्रममा राज्यलाई तिर्नुपर्ने अर्बौं कर नतिरेकाले एनसेलमाथि आक्रमण गर्नुपरेको जानकारी नेत्रविक्रम चन्द ‘विप्लव’ नेतृत्वको नेकपा माओवादीले दिएको छ ।
राज्यलाई कर तिर्न अटेर गरेपछि एनसेलका देशभरका टावर र कार्यालयहरुमा शनिबार आक्रमण गर्ने योजना विप्लव माओवादीले बनाएको छ ।
नेकपा माओवादी गोरखाका सेक्रेटेरी कृष्ण वाग्ले ‘रुपेश’ ले गोरखाका विभिन्न स्थानमा रहेका टावरमा आफ्ना कार्यकर्ताले आक्रमण गरेको जनाउँदै यसको विवरण बेलुकासम्म आइपुग्ने बताए ।
‘कर नतिरेसम्म एनसेलमाथि भौतिक आक्रमण जारी राख्छौं’, उनले भने, ‘राज्यलाई तिर्नुपर्ने कर नतिरी हिँड्नेमाथि हाम्रो आक्रमण जारी रहन्छ ।’
माओवादीका कार्यकर्ताले शनिबार बिहान गोरखा गोरखाको अश्र्राङ गाविस–७ ठामडाँडामा रहेको एनसेलको मोबाइल टावरमा आगजनी गरेका थिए ।
उनले देशका अन्य जिल्लामा पनि एनसेलमाथि आक्रमण भएको जनाउँदै यो कारबाही पार्टी केन्द्रको निर्देशन अनुसार नै भएको उल्लेख गरे ।
annapurnapost
![](http://3.bp.blogspot.com/-Nu3cHpFwoIM/Uot5Eq2s6ZI/AAAAAAAAABI/jtRHGx7jnH0/s1600/Watch+Video+Online.png)
0 comments
प्रतिक्रिया दिनुहोस्...